کراچی (اسپورٹس رپورٹر) سندھ جمناسٹکس ایسوسی ایشن کے زیر اہتمام قومی ویمنز جمناسٹکس چیمپئن شپ 2023کا انعقاد ہفتہ 7 جنوری کوسندھ یونی ورسٹی جامشوروکے جمنازیم اکیڈمی ہال میں منعقد ہوگی۔ سندھ جمناسٹکس ایسو سی ایشن کے سیکریٹری جنرل محممستقیم انصاری کا کہنا ہے کہ قومی ویمنز جمناسٹکس چیمپئن شپ 2023 کی تمام تیاریاں مکمل کر لی گئیں ہیں۔ قومی ویمنز جمناسٹکس چیمپئن شپ 2023 میں چاروں صوبوں کے علاوہ پاکستان ریلویز اور پاکستان آرمی  کی ٹیمیں حصہ لے رہی ہیں۔ چیمپئن شپ کا افتتاح ہفتہ کی صبح 9 بجے ہوگا‘ سندھ یونیورسٹی جامشورو کے شعبہ ہیلتھ ‘ فزیکل ایجوکیشن اینڈاسپورٹس سائنسز کے چیئرمین پروفیسر ڈاکٹر اکرم انصاری مہمان خصوصی ہوں گے جبکہ چیف ایگزیکیوٹو افسر اینگرو پاکستان اختتامی تقریب کے مہمان خصوصی ہونگے اور انعامات تقسیم کریں گے۔