شدید دھند ‘سی ٹی ڈی میں تعینات موٹر سائیکل سوار ملازم ڈائیورشن سے ٹکرا کر جاں بحق

لاہور (نامہ نگار)شدید دھند میں پرانی انارکلی کا رہائشی قمر عباس ڈائیورشن سے ٹکر کر جاں بحق جبکہ بادامی باغ کا رہائشی ریحان شہزاد شدید زخمی ہوگیا ۔ دو نوجوان موٹر سائیکل پر مرید کے سے لاہور آرہے تھے کہ کالا شاہ کاکو ٹول پلازہ کے قریب ڈائیورشن سے ٹکر ا گئے ۔ قمرعبا س موقع پر جاںبحق ہو گیا جبکہ ریحان کو زخمی حالت میں ہسپتال منتقل کردیا گیا ۔ قمر عباس سی ٹی ڈی ہیڈ کوارٹر میں بطور ڈرائیور ملازم تھا ۔اس کی دو بچیوں اور بیوہ کیلئے انتظامات کا مطالبہ کیا گیا ہے ۔ شہریوں کا کہنا ہے کہ ریفلیکٹر لائٹ کے بغیر ڈائیورشن لگائی گئی ہے ‘دھند اور اندھیرے کے دوران متعدد حادثات رونما ہو چکے ہیں ۔