ملتان (نوائے وقت رپورٹ) ملتان پیپلز پارٹی سیکرٹریٹ میں شہید ذوالفقار علی بھٹو کی سالگرہ کی تقریب میں بھگدڑ مچ گئی۔ جیالے سابق صدر آصف علی زرداری کے ساتھ تصاویر بنوانے کیلئے سٹیج پر چڑھ گئے۔ پی پی رہنما علی حیدر گیلانی کے مطابق آصف زرداری کو دھکا لگنے سے پاؤں پر موچ آ گئی۔ آصف زرداری بالکل ٹھیک ہیں، آرام کر رہے ہیں۔ اس سے پہلے آصف زرداری نے شہید بھٹو کی 96 ویں سالگرہ کا کیک کاٹا۔ تقریب میں یوسف رضا گیلانی، مخدوم احمد محمود اور دیگر رہنماؤں نے شرکت کی۔