کراچی کےعلاقے بہادرآباد میں مقامی کمپنی کا کیشیئرایک نجی بینک میں رقم جمع کرانے کےلئے آیا تو تین ڈاکوؤں نے اسلحے کے زورپراس سے بانوے لاکھ روپے لوٹ لیے۔ پولیس نے بینک میں نصب سی سی ٹی وی فوٹیج کی مدد سے تفتیش شروع کردی ہے۔ دوسری واردات جیکسن کے علاقے میں واقع ایک نجی بینک میں ہوئی جہاں ڈاکو بینک سے باون لاکھ روپے لوٹ کرفرار ہوگئے۔ ڈکیتی کا تیسرا واقعہ نارتھ ناظم آباد کے بلاک این میں ایک نجی بینک میں ہوا جہاں ڈاکوچھ لاکھ روپے لوٹ کرفرارہوگئے۔ وارداتوں کے بعد بینکوں میں پولیس کی اضافی نفری تعینات کر دی گئی ہے۔