نیویارک (نیٹ نیوز) نظام شمسی کے سب سے بڑے سیارے مشتری کے قطب شمالی سے نکلنے والی دلکش روشنیوں کی ویڈیو جاری کر دی گئی۔ ناسا کی جانب سے جاری کردہ اس ویڈیو کو خلائی دوربین ہبل کے ذریعے ریکارڈ کیا گیا ہے۔ جس میں سیارہ مشتری کے آسمان پر بکھیرے ان نیلے رنگوں کے انوکھے منفرد نظارے کو واضح طور پر دیکھا جا سکتا ہے۔ یہ قدرتی رنگین لہریں فضا میں موجود مقناطیسی ذرات اور مدار میں موجود برقی لہروں اور مختلف گیسوں کے ٹکرانے سے وجود میں آتی ہیں۔