چیئرمین جوائنٹ چیف آف سٹاف کمیٹی جنرل زبیر کا دورہ ائیر ہیڈ کوارٹر

اسلام آباد(نوائے وقت نیوز) چیئرمین جوائنٹ چیفس آف سٹاف کمیٹی جنرل زبیر محمود حیات نے ائیر ہیڈ کوارٹرز اسلام آباد کا دورہ کیا اور ائیر چیف مارشل سہیل امان سے ملاقات کی۔ ان کی آمد پر فضائیہ کے سربراہ چیف مارشل سہیل امان نے ان کاپرتپاک استقبال کیا۔ بعد ازاں جنرل زبیر محمود حیات نے ائیر چیف سے ان کے دفتر میں ملاقات کی اور پیشہ وارانہ دلچسپی کے امور پر تبادلہ خیال کیا۔ چیئرمین جوائنٹ چیفس آف سٹاف کمیٹی نے پاک فضائیہ کے افسران اور ائیر مین کے جذبے کی تعریف کی اور پاک فضائیہ کی جنگی استعداد پر اطمینان کا اظہار کیا۔