ایران میں انوکھے اور دلچسپ مقابلے میںڈونلڈ ٹرمپ کے مزاحیہ اور مضحکہ خیز کارٹونز کی نمائش کی گئی ۔غیر ملکی میڈیا کے مطابق ایران میں ایک انوکھے اور دلچسپ مقابلے کا اہتمام کیا گیا جس میں امریکی صدر ڈونلڈ ٹرمپ کی مزاحیہ اور مضحکہ خیز کارٹونز پیش کیے گئے۔ تہران میں منعقد ہونے والے انٹرنیشنل ٹرمپ ازم کارٹون اینڈ کیری کیچر مقابلے میں دنیا بھر سے سینکڑوں کارٹونسٹ نے شرکت کی اور ناظرین کے سامنے اپنا فن پیش کیا، ان میں امریکا اور برطانیہ کے فنکار بھی شامل تھے۔ اس مقابلے کا اہتمام سیکرڈ ڈیفنس آرٹسٹ اینڈ سینما افیئرز اور آرٹ بیورو نے کیا تھا۔ رواں سال منعقدہ اس مقابلے کا لوگو نازیوں کی علامت پر مبنی تھا جس میں سواستکا کی جگہ ٹی کا لفظ شامل کیا گیا تھا۔