کیرولینا پلسکووا، وینس ولیمز، میڈیسن کیز اور سفارووا کی فتوحات برقرار

لندن (اے پی پی) کیرولینا پلسکووا، وینس ولیمز، میڈیسن کیز اور لوسی سفارووا پیش قدمی برقرار رکھتے ہوئے سال کے تیسرے گرینڈسلام ٹینس ٹورنامنٹ ومبلڈن اوپن ویمنز سنگلز تیسرے رائونڈ میں پہنچ گئیں، ماریا شرا پووا اور پیٹرا کویٹووا ابتدائی رائونڈ میچز میں شکستوں کے بعد ٹائٹل کی دوڑ سے باہر ہو گئیں۔ بیلاروس کی وکٹوریہ آزارینکا کو 6-3 اور 6-3 سے ہرا کر تیسرے رائونڈ میں جگہ بنائی، امریکن کھلاڑی وینس ولیمز بھی دوسری رکاوٹ عبور کرنے میں کامیاب رہیں، انہوں نے رومانوی کھلاڑی الیگزینڈرا کو 4-6، 6-0 اور 6-1 سے شکست دی، روسی کھلاڑی لوسی سفارووا نے پولینڈ کی آگنیسکا راڈونسکا کو ہرا کر ایونٹ سے باہر کر دیا، میڈیسن کیز، کیکی برٹنز، گیورجی، بوزرنیسکو، روڈینا، ویکچ بھی اپنی اپنی حریفوں کو ہرا کر تیسرے رائونڈ میں داخل ہو گئیں، روس کی گولڈن گرل ماریا شرا پووا اور جمہوریہ چیک کی پیٹرا کویٹووا پہلے رائونڈ میں شکستوں کے بعد ایونٹ سے باہر ہو گئیں۔