ملائشین جونیئر انٹرنیشنل سکواش: پاکستانی کھلاڑی انڈر15‘17 فائنل میں پہنچ گئے

لاہور(نمائند ہ سپورٹس )ملاشین جونیئر انٹرنیشنل سکواش ٹورنامنٹ میں پاکستانی کھلاڑیوں نے انڈر 15اور انڈر 17 کیٹگری کے فائنل کیلئے کوالیفائی کر لیا۔ ملائشیا میں جاری جونیئر ٹورنامنٹ میں پاکستان کے حمام احمد نے انڈر15کے سیمی فائنل میں ملائشیا کے لیو کرس کو 3-2گیم جبکہ د حذیفہ ابراہیم نے ملائشیا کے شالینے مغیثس کیخلاف میچ 11-3، 11-6، 11-4سے جیتا۔ انڈر17 میں پاکستان کے اشہب عفان اور ولید خلیل فائنل میں پہنچ گئے، سیمی فائنل میں اشہب عفان نے آسٹریلیا کے شن جورجی کو3-0گیم سے شکست دی جبکہ دوسرے سیمی فائنل ولید خلیل نے ملائشین پلیئر کو 3-1گیم سے زیر کیا۔ دونوں کیٹگریز کے فائنل آج کھیلیں جائینگے۔