جلہ جیم (نامہ نگار) بیٹے کو فالج کی خبر سن کر باپ کو دل کا دورہ پڑ گیا۔ دونوں ایک ہی روز انتقال کر گئے۔ بتایا گیا ہے کہ یونائیٹڈ بنک لمیٹڈ کالونی روڈ میلسی کے منیجر محمد مختار کا بھائی محمد امیر پل گدائے شاہ سے سعودی عرب جدہ گیا ہوا تھا کہ اسے پندرہ روز قبل فالج کا اٹیک ہوا۔ یہ اطلاع سن کر والد حافظ اللہ وسایا کو موقع پر ہارٹ اٹیک ہوا دونوں زیرعلاج رہے اللہ وسایا کوما میں چلا گیا جبکہ سعودی عرب میں اس کا بیٹا ایک روز قبل اللہ کو پیارا ہو گیا اس سے اگلے روز والد بھی چل بسا۔