جلال پور‘ آئل ٹینکرمیں آگ بھڑک اٹھی‘ ڈرائیور سمیت دو افراد جھلس گئے

جلال پورپیروالہ (نامہ نگار) آئل ٹینکر کو آگ لگ گئی، ڈرائیور سمیت دو افراد زخمی. تفصیل کے مطابق نواحی علاقہ خان بیلہ میں آئل ٹینکر نے ایجنسی پر ڈیزل اتارنا شروع کیا جنریٹر کی چنگاری کے باعث آگ لگ گئی. آناً فاناً آگ پوری گاڑی کو لگ گئی اور ساتھ ہی قریبی موجود دوکانیں بھی آگ کی لپیٹ میں آگئیں. ان دوکانوں میں موجود سامان بھی جل گیا. ڈرائیور سمیت دوافراد زخمی ہوگئے. زخمیوں کو ریسکیو 1122 نے ہسپتال پہنچایا. جلال پور میں فائر بریگیڈ گاڑیاں نہ ہونے کے باعث شجاع آباد اور لودھراں سے ریسکیو 1122 کی فائر بریگیڈ گاڑیاں جائے حادثہ پر پہنچیں اور آگ پر قابو پایا۔