لندن (آئی این پی)اٹھارہ سال کی ایما ریڈوکانو اپنے پہلے ہی گرینڈ سلیم ٹورنامنٹ کے چوتھے رائونڈ میں پہنچ گئیں جبکہ آٹھ مرتبہ کے چیمپین راجر فیڈرر نے تیسرے رانڈ میں کیمرون نوری کو ہرا کر مینز ایونٹ میں برطانوی امیدیں ختم کر دیں۔ومبلڈن چیمپین شپ کے ویمنز سنگلز میں تہلکہ مچانے والی ایما ریڈوکانو نے تیسرے رانڈ میں رومانیہ کی سورانا سرسٹی کو بھی شکست دے دی۔دو ماہ قبل اسکول کا امتحان دینے والی ایما ریڈوکانو نے سورانا کے خلاف پہلا سیٹ چھ تین سے جیتا اور دوسرے سیٹ میں سات پانچ سے کامیابی حاصل کی اور چوتھے رانڈ میں پہنچ گئیں۔