اسلام آباد(نیوزرپورٹر)ملک کے بالائی علاقوں میں چند مقامات پر آندھی اور گرج چمک کیساتھ مزید بارش کا امکان ہے۔محکمہ موسمیات کے مطابق آج منگل کے روز ملک کے بیشتر میدانی علاقوں میں موسم شدید گرم اور خشک رہیگا تاہم بالائی خیبرپختونخوا، کشمیر اورگلگت بلتستان میں آندھی اور گرج چمک کیساتھ چند مقامات پر مزید بارش کا امکان ہے۔ گذشتہ 24 گھنٹے کے دوران خیبرپختونخوا،کشمیر، پنجاب، بلوچستان اور گلگت بلتستان میں تیزہواوں اور گرج چمک کے ساتھ بارش ہوئی ۔ ملک کے دیگر علاقوں میں موسم گرم اور خشک رہا۔