انگلینڈ کیخلاف پہلے ون ڈے میں حارث کی شرکت مشکوک، صہیب کی شمولیت متوقع

لاہور ( سپورٹس رپورٹر)پاکستان کرکٹ ٹیم کے بائیں ہاتھ کے مڈل آرڈر بلے باز حارث سہیل کی پہلے ایک روزہ انٹرنیشنل میچ میں شرکت مشکوک ہے اور ان کی جگہ صہیب مقصود کو مڈل آرڈر میں موقع مل سکتا ہے ۔حارث سہیل فٹنس مسائل سے دوچار ہیں اور انگلینڈ کیخلاف پہلے ایک روزہ انٹرنیشنل میچ میں ان کی شرکت مشکوک ہے۔پاکستان کرکٹ بورڈ نے حارث سہیل کے حوالے سے اپ ڈیٹ جاری کی ہے جس کے مطابق پاکستانی بلے باز حارث سہیل فٹنس مسائل سے دوچار ہیں، حارث سہیل بائیں ٹانگ میں درد محسوس کر رہے ہیں جس کے باعث وہ ٹریننگ سیشنز میں شریک نہیں ہو رہے۔پی سی بی کے مطابق حارث سہیل نے تکلیف کے باعث دونوں انٹرا سکواڈ میچز میں بھی حصہ نہیں لیا، ان کے ری ہیب کا آغاز کر دیا گیا ہے، ان کا ایم آر آئی اسکین آج کارڈف میں ہو گا اور سکین رپورٹ کا جائزہ لینے کے بعد پہلے ایک روزہ میچ میں ان کی دستیابی کا فیصلہ ہو گا۔پاکستان کرکٹ بورڈ کا کہنا ہے کہ حارث سہیل نے انگلینڈ پہنچنے کے بعد ٹریننگ سیشنز میں تو حصہ لیا تھا۔