شیخوپورہ پی ٹی آئی کا مضبوط قلعہ ہے: چوہدری مشتاق

 کھاریانوالہ(نمائندہ خصوصی)تحریک انصاف کے سینئر رہنماو سابق ناظم چوہدری مشتاق احمد زیلدارنے کہا ہے کہ شیخوپورہ پی ٹی آئی کا مضبوط قلعہ ہے جس کے عوام کی عمران خان سے وابستگی مثالی ہے پی پی 140 کے ضمنی انتخابات میں عوام ضمیر فروشوں اور مفاد پرستوں کو مسترد کردینگے اور جیت پی ٹی آئی کا مقدر بنے گی، شیخوپورہ کی عوام نے 2018 کے عام انتخابات میں بھی پی ٹی آئی کو ووٹ دیا مگر مفاد پرست رکن اسمبلی نے وفاداری تبدیل کر کے قیادت کی کمر میں چھرا گھونپا جس کی نااہلی کے باعث ہونیوالے ضمنی انتخابات میں عوام دوبارہ پی ٹی آئی کا ساتھ دیگی۔