شیخوپورہ(نمائندہ خصوصی) ڈی پی او شیخوپورہ فیصل مختار کی ہدایات پر عملدرآمد کرتے پولیس نے جرائم پیشہ افرادکیخلاف متعدد کارروائیاں عمل میں لا کر 42 ملزموں کو گرفتار کر لیا ۔ جن میں 17 افراد سے ناجائز اسلحہ رکھنے پر پسٹل 30 بور، کلاشنکوفیں، شارٹ گن، 32 بور، 223 بور، 12 بور، رائفل معہ گولیاں برآمد کر کے مقدمات درج کر لئے۔ 3 افراد کیخلاف کرائے داری ایکٹ کی خلاف ورزی پر گرفتار کر کے مقدمات درج کر لئے۔8افراد کے خلاف ٹریفک وائیولیشن پر غفلت و لاپرواہی سے ڈمپرچلانے، غیر نمونہ نمبر پلیٹ، روڈ بلاک وغیرہ کرنے پر گرفتار کر کے مقدمات درج کر لئے۔ 14 منشیات فروشوں سے شراب ، 3 کلو سے زائد چرس برآمد کر کے مقدمات درج کر لئے۔