گوجرانوالہ (نمائندہ خصوصی) پیپلز پارٹی کے رہنمائوں آصف باگٹ،خواجہ طارق نوید لو ن ، صغیر بٹ ،مسرت جاوید خلجی،خالد اسلام ڈار،ودود حسن ڈار ، سعود الحسن ڈار ، خالد حسین باجوہ ، چوہدری آصف جٹ ،ایاز نوید لون ،ابراہیم نوید لون ،ارشاد اللہ سندھو نے کہا ہے کہ 5جولائی کو ذوالفقار علی بھٹو کی منتخب حکومت پر شب خون مارنے کی یاد دلاتا ہے، 5 جولائی 1977 کو قومی تاریخ کا سیاہ ترین دن قرار دیتے ہوئے کہا کہ جنرل ضیا الحق کی آمریت پاکستان میں انتہاپسندی، کلاشنکوف کلچر اور ہیروئین کی ماں ہے45 سال قبل آج کے دن تاریخ کے بدترین ڈکٹیٹر کے ہاتھوں پاکستان کے پہلے منتخب وزیراعظم شہید ذوالفقار علی بھٹو کی حکومت کا خاتمہ کیا پاکستان پیپلز پارٹی ملک میں آئین، جمہوریت اور پارلیمانی بالادستی کے محافظ کا کردار ادا کرتی رہے گی، کیونکہ پی پی پی قائد اعظم محمد علی جناح کے نظریے و ویژن کی علمبردار جماعت ہے رہنمائوں نے کہا کہ 5جولائی کو منتخب وزیر اعظم ذوالفقار علی بھٹو شہید کی حکومت پر شب خون مارکر جمہوریت کو ختم کرنے کی کوشش کی گئی، آج بلاول بھٹو زرداری بھی اسی فلسفہ کو اپنا کر اپنے نانا اور والدہ کے نقش قدم پر جیالوں کی رہنمائی کر رہے ہیں۔