پاکستان ڈیف  کرکٹ ٹیم نے دوسرا میچ جیت کر سری لنکا کیخلاف سیریز برابر کر دی 

لاہور(سپورٹس رپورٹر) سری لنکا کے دورہ پر گئی پاکستان ڈیف ٹیم نے دوسرا ٹی ٹونٹی میچ جیت کر سیریز برابر کر دی، پہلے میچ میں میزبان سری لنکا نے جبکہ دوسرے میچ میں قومی ٹیم نے کامیابی سمیٹی۔پاکستان اور سری لنکا کی ٹیموں کے درمیان دو ٹی ٹونٹی میچوں کی سیریز ایک ایک سے برابر ہو گئی، ہمبنٹوٹا میں کھیلی جانے والی سیریز کے پہلے میچ میں میزبان سری لنکن ڈیف ٹیم نے کامیابی سمیٹی تھی، منگل کے روز کھیلے جانے والے دوسرے میچ میزبان ٹیم نے پہلے کھیلتے ہوئے تمام وکٹوں پر 104 رنز بنائے جواب میں پاکستان ٹیم نے ہدف تین وکٹوں کے نقصان پر پورا کر کے دو میچوں کی سیریز ایک ایک سے برابر کر دی۔ پاکستان اور سری لنکا کی ڈیف ٹیموں کے درمیان تین ایک روزہ میچوں کی سیریز کا پہلا میچ 8 جولائی کو کھیلا جائیگا۔