لاہور( سپورٹس رپورٹر) ویسٹ انڈیز کرکٹ ٹیم کے سابق کپتان اور پاکستان سپر لیگ کی فرنچائز پشاور زلمی کے مینٹور نے اپنے بے صبرے پن کا اظہار کردیا ہے۔ پاکستان کرکٹ بورڈ نے ڈیرن سیمی، جاوید میانداد، شاہد آفریدی اور شعیب ملک کو اس سال اکتوبر میں لاہور میں ہونے والی افتتاحی پاکستان جونیئر لیگ کے مینٹورز کے طور پر تصدیق کی تھی۔ سابق ویسٹ انڈین کپتان ڈیرن سیمی کو پاکستان میں کرکٹ کی بحالی میں اہم کردار ادا کرنے پر ستارہ پاکستان سے نوازا گیا تھا۔پاکستان جونیئر لیگ کے حوالے سے سماجی رابطے کی ویب سائٹ ٹوئٹر مختصر پیغام میں اپنی بے صبری کا اظہار کرتے ہوئے ڈیرن سیمی نے لکھا کہ میں انتظار نہیں کرسکتا ۔