ٹرینڈز کہانی ہے

ایک عفریت ہے جو اتا ہے
اور کھا جاتا ہے
 اور سیر شکم نہیں ہوتا
یہ ڈائنوسار 
 ٹیوٹر اور انسٹا پہ
 ہر روز اربوں بچے جنتے ہیں
 اور  شب ناچتے
اور دن اونگھتے گزارتے ہیں
فیس بک
 عمر و عیار کی زنبیل ہے
 جس سے
 جادو کی چھڑی نکلتی ہے
اور سب ناک بچانے دوڑ پڑتے ہیں
وٹس ایپ توفیصلے لکھنے کے لیے ایجاد کیا ہے
میسنجر پہ گالیاں دے کر بلاک کردیا جاتا ہے۔۔
 یہ جنات کی دنیا ہے 
جو ہماری زبان بولتے ہیں
  ٹرینڈ… ایک عفریت ہے 
جس کے منہ میں
 کروڑوں دانت ہیں
(داد صدیقی )