سوشل اسٹوڈنٹس فورم کی پروفیسر حافظ نسیم الدین کے اعزاز میں تقریب پذیرائی 

کراچی(سٹی نیوز) سوشل اسٹوڈنٹس فورم کے زیر اہتمام اور جینئس فورم کے اشتراک سے معلومات عامہ کے بے تاج بادشاہ ممتاز ماہر تعلیم پروفیسر حافظ نسیم الدین کی علمی، سماجی اور فروغِ معلوماتِ عامہ کی بیش بہا خدمات کے اعتراف میں تقریب پذیرائی 6، جولائی بروزبدھ مقامی ہال میں منعقد ہوگی۔ جس کے مہمانِ خصوصی امیر جماعت اسلامی حافظ نعیم الرحمٰن ہوں گے اور صدارت ممتاز ادیب و شاعر اور سابق جنرل مینیجر PTV کراچی تاجدار عادل فرمائیں گے جبکہ دیگر مہمانوں میں محمود احمد خان، خالد محمود میر، اقبال یوسف، فورم کے چیئرمین نفیس احمد خان، صدر خالد ممتاز ایڈووکیٹ، جنرل سیکریٹری مسعود احمد وصی، رضوان صدیقی، خالد فرشوری، نعیم احمد قریشی، جینئس فورم کے چیئرمین معروف مصنف، شاعر، اینکر، براڈ کاسٹر شاہد مسرور، یاسمین قریشی، رانا اشفاق رسول، محسن شاد، ندیم شیخ ایڈووکیٹ اور دیگر شعبہ ہائے زندگی سے تعلق رکھنے والی شخصیات بھی خطاب کریں گی۔