استحکام پاکستان پارٹی ملک کو بحرانی کیفیت سے نکالے گی:جہانگیر ترین،علیم خان

لاہور(نوائے وقت رپورٹ) استحکام پاکستان پارٹی کے پیٹرن انچیف جہانگیر خان ترین اور پارٹی صدر عبدالعلیم خان کی زیر صدارت اہم اجلاس مرکزی سیکرٹریٹ میں ہوا۔ اجلاس میں پارٹی کے سینئر رہنما اسحاق خاکوانی، عون چودھری، ڈاکٹر فردوس عاشق اعوان، رانا نذیر، چودھری علی اختر، میاں خالد اور دیگر نے شرکت کی، اس موقع پر مستقبل کے سیاسی لائحہ عمل پر تبادلہ خیال کیاگیا جبکہ منشور، پارٹی رجسٹریشن سمیت اہم معاملات پر حکمت عملی طے کی گئی۔ اجلاس میں ملک بھر میں پارٹی کی تنظیم سازی اور ممبر سازی مہم پر بھی تفصیلی تبادلہ خیال کیاگیا، مختلف سیاسی رہنماﺅں سے رابطوں کی پیش رفت پر بھی بات چیت کی گئی۔ اس موقع پر گفتگو کرتے ہوئے جہانگیر خان ترین اور عبدالعلیم خان نے کہا کہ ہمارا فوکس عام آدمی کے مسائل کا حل اور غربت و مہنگائی کا خاتمہ ہے، عوامی امنگوں کے عین مطابق پارٹی منشور دیں گے، عوامی مسائل کا حل ہماری اولین ترجیح ہے، استحکام پاکستان پارٹی ملک کو بحرانی کیفیت سے نکالے گی۔
استحکام پاکستان پارٹی