اسلام آباد (نیٹ نیوز) وزیر خارجہ بلاول بھٹو زرداری غیر سرکاری دورے پر نیو یارک پہنچ گئے، وہ ایک ہفتہ امریکہ میں قیام کریں گے۔ وزیر خارجہ بلاول بھٹو زرداری دورہ امریکہ کے دوران بعض ممتاز امریکی تھنک ٹینکس کے اجلاسوں میں شریک ہوں گے، امریکی رہنماوں سے بھی ملاقاتیں کریں گے۔ ذرائع کے مطابق بلاول بھٹو زرداری جاپان کا دورہ مکمل کر کے امریکہ روانہ ہوئے جبکہ آصفہ بھٹو زرداری ٹوکیو سے کراچی واپس پہنچیں گی۔