گوجرانوالہ(نمائندہ خصوصی) مسلم لیگ ن کی رکن قومی اسمبلی شازیہ فرید نے کہا ہے کہ وزیراعلیٰ مریم نواز نے گوجرانوالہ کومیگا پراجیکٹس دے کر مخالفین کے منہ بند کر دیے ن لیگ کے ہر دور حکومت میں ریکارڈ ترقیاتی کام ہوئے ہیں اس بار بھی ماضی کے سارے ریکارڈ ٹوٹ جائیں گے ان خیالات کا اظہار انہوں نے سیاسی و سماجی رہنما عامر یعقوب وڑائچ ایڈووکیٹ کے چچا کے انتقال پر اظہار تعزیت کے موقع پر گفتگو کرتے ہوئے کیا انہوں نے کہا کہ مریم نواز نے ن لیگ کی سابقہ روایات کو أگے بڑھاتے ہوئے اپنے حالیہ دورہء گوجرانوالہ میں بیک وقت کئی میگا پراجیکٹس کا اعلان کر کے شہریوں کے دل جیت لیے ہیں خاص طور پر گوجرانوالہ کے لیے کارڈیک ہسپتال کا اعلان بہت بڑی خوشخبری ہے انہوں نے کہا کہ مریم نواز کے گوجرانوالہ کے لیے میگا پراجیکٹس کے اعلان کے ساتھ ہی مخالفین کے منہ بند ہو گئے ہیں۔