نوشہرہ ورکاں:موٹر سائیکل حادثہ میں پانچ بچوں کا باپ جاںبحق

نوشہرہ ورکاں ( نامہ نگار+ نمائندہ نوائے وقت )موٹر سائیکل حادثہ میں پانچ بچوں کا باپ جاں بحق،بتایا گیاہے کہ نواحی گاؤں بدورتہ کا رہائشی ملک اعجاز احمد موٹرسائیکل پر وزیرآباد جا رہاتھا کہ موضع سنیاریانوالہ کے قریب گدھاگاڑی سے جا ٹکرایا اور شدیدزخمی ہوگیا زخمی کو ہسپتال منتقل کیا گیا لیکن سر میں گہری چوٹ لگنے کے باعث جانبر نہ ہوسکا متوفی پانچ بچوں کا باپ تھا متوفی کی اچانک موت کی خبر اہلخانہ پر بجلی بن کر گری اور گھر میں کہرام برپا ہوگیا ۔