قصور(نمائندہ نوائے وقت)قصور میں پولیس کا سرچ آپریشن،ستوکی گاؤں میں آپریشن کے دوران 11 ملزموں کو گرفتارکیا گیا ملزموں کے قبضہ سے 18 کلو گرام چرس، 3 کلو گرام افیون اور اسلحہ برآمد کیا گیا ۔ سرچ آپریشن ڈی ایس پی صدر خالد اسلم،ایس ایچ او حسن عمران سمیت تھانوں کی نفری،سی آئی اے سٹاف اور ایلٹ فورس کے جوانوں نے حصہ لیا۔ پولیس نے 11 ملزمو کو گرفتارکیا ۔ 5 منشیات کے مقدمات درج کر کے 18 کلو گرام چرس، 3 کلوگرام افیون برآمد کی گئی اور سنگین مقدمات میں مطلوب 2 اشتہاریوں اور تین عادی مجرموں کو گرفتار کیا گیا، اس کے علاوہ ناجائز اسلحہ کے 6 مقدمات درج کر کے 5 پسٹل اور گولیاں بھی برآمد کی گئیں۔ اس آپریشن میں 83مشکوک گھروں کو چیک کیا گیا۔ ڈی پی او قصور محمد عیسٰی خان کا کہنا ہے کہ آپریشن کا مقصد کریمنلز کا صفایا اور امن وامان کے قیام کو یقینی بنانا ہے، ضلعی پولیس شہریوں کی جان و مال کی حفاظت کے لیے دن رات کوشاں ہے۔