ڈسکہ‘ سرگودھا (نامہ نگار+ نمائندہ خصوصی) خودکشی کے 3واقعات میں ایک دوشیزہ اور 2نوجوانوں نے زندگی کا خاتمہ کرلیا۔ڈسکہ کے نواحی گائوں جنڈو ساہی کے نوجوان آکاش اور گوجرہ کی جواں سالہ لڑکی  (ر) نے گھریلو حالات سے دلبرداشتہ ہوکر زہریلی گولیاں کھالیں جنہیں سول ہسپتال لایا گیا لیکن دونوںجانبر نہ ہوسکے  ۔ نوجوان اور جواں سالہ لڑکی کو   نماز جنازہ کے بعد اپنے اپنے آبائی قبرستانوں میں سپرد خاک کردیا گیا۔علاوہ ازیں سرگودھا میانوالی روڈ کے قصبہ قائد آباد میں نمک فیکٹری میں ملازم لودھراں کے16 سالہ نوجوان طیب نے خود کو فائر مار کر خود کشی کر لی۔  نعش   ضروری کاروائی کے بعد ورثاء  کے سپرد کر دی گئی  ۔