اٹک پولیس  اشتہاریوں کے خلاف سرگرم، 4 مجرمان گرفتار

اٹک (نامہ نگار ) ڈسٹرکٹ پولیس آفیسر اٹک ڈاکٹر سردار غیاث گل خان کی ہدایات پر اٹک پولیس مجرمان اشتہاریوں کے خلاف سرگرم ہے اسی سلسلہ میں تھانہ نیو ایئرپورٹ پولیس نے قتل کے مقدمات میں مطلوب مجرمان اشتہاریوں قمر الدین ولد الف دین، فاروق خان ولد سراج الدین اور محمد سراج ولد قمر الدین سکنائے قولنڈی تحصیل و ضلع دیر کو گرفتار کر لیا جبکہ تھانہ فتح جنگ پولیس نے اسلحہ کی نوک پر جان سے مارنے کی دھمکیاں دینے والا مجرم اشتہاری عبدالرؤف ولد مہدی خان سکنہ فتح جنگ کو گرفتار کر کے پابند سلاسل کر دیا۔