پی آئی اے کی پروازیں مقرر کردہ نظام الاوقات کے مطابق چل رہی ہیں،ترجمان

کراچی(اسٹاف رپورٹر)پی آئی اے کے ترجمان نے بدھ کو جاری کردہ ایک بیان میں کہا ہے کہ پی آئی اے کی اندرون و بیرون ملک پروازیں مقرر کردہ نظام الاوقات کے مطابق چل رہی ہیں اور ابھی تک آپریشن میں کوئی تعطل نہیں ہے۔اخبارات اور الیکٹرانک میڈیا میں تمام بوئنگ737 طیاروں کے گراﺅنڈ ہونے کی خبر کی تردید کرتے ہوئے کہا ترجمان نے کہا کہ دو بوئنگ737 طیارے معمول کے مینٹینس چیک میں ہیں اور چیکس مکمل ہونے کے بعد بہت جلد فضائی بیڑے میں شامل ہو جائیں گے۔ ترجمان نے کہا کہ ائر لائن کے فضائی بیڑے میں شامل طیاروں کو معمول کے مطابق وقتاًفوقتاً میٹینس سے گزرنا ہو تا ہے اور ائر لائن کا آپریشن معمول کی مینٹینس کی وجہ سے متاثر نہیں ہوتا، تا ہم شیڈول میں ردوبدل اگر ضرورت کے مطابق کیا جاتا ہے تو یہ ایئر لائن کے کاروبار میں مارکیٹ کے حالات کو مدنظر رکھتے ہوئے ہو تی ہے۔