لاپتہ ملائیشین طیارے سے متعلق نیا انکشاف ، برطانوی خاتون کا طیارہ تباہ ہوتے دیکھنے کا دعوی

کوالالمپور / لندن ( آئی این پی ) لا پتہ ملائیشین طیارے سے متعلق ایک نیا انکشاف سامنے آگیا،  برطانوی خاتون نے بھی طیارے کو فضا میں تباہ ہوتے دیکھنے کا دعوی کر دیا ۔ کیتھرین کا کہنا ہے وہ اپنے شوہر کے ساتھ بھارت سے تھائی لینڈ کا سفر کر رہی تھی انہوں نے دیکھا کہ طیارہ  میں آگ لگی ہوئی ہے۔فضا سے بحر ہند کی جانب آرہا ہے جس میں آگ لگی ہوئی ہے اس منظر کو دیکھ کر وہ خوفزدہ ہوگئی۔ کیتھرین نے مزید انکشاف کیا کہ جہاز اکیلا نہیں تھا بلکہ اس کے ساتھ مزید دو جہاز اور تھے جو اس کے اوپر تھے اور ان کا خیال تھا کہ اس واقعے کو وہ رپورٹ کر دیں گے مگر اتنا عرصہ گزرنے کے بعد اب بھی حکام کو جہاز نہیں مل پایا تو انہوں نے اس واقعے کو میڈیا کے سامنے پیش کرنے کا فیصلہ کیا ۔ ساتھ ہی انہوں نے لاپتہ افراد کے لواحقین سے معافی بھی مانگی کہ وہ پہلے ہمت کر لیتی تو تلاش میں زیادہ آسانی ہوتی ۔ واضح رہے کہ اس سے قبل بھی لاپتہ ملائیشین طیارے سے متعلق کئی دعوے سامنے آچکے ہیں جو غلط ثابت ہوئے ہیں ۔