نارنگ منڈی+ ساہیوال+ اوکاڑہ+ فیصل آباد (نامہ نگاران+ نمائندہ خصوصی) نارنگ منڈی، ساہیوال، اوکاڑہ، فیصل آباد میں پہلی جماعت کے طالب علم سمیت 2 بچوں، 3 خواتین سے زیادتی کی گئی۔ تفصیلات کے مطابق نارنگ منڈی کے علاقہ کوٹ عبداللہ میں پہلی جماعت کے 4 سالہ طالب علم محمدکبیر تنویرکو گائوںکے اوباش نوجوان راشد علی نے اغوا کرلیا اور بعدازاں اسے زبردستی کھیتوںمیں لے جاکراس سے زیادتی کر ڈالی۔ غریب باپ تنویر نے روتے میڈیاکوبتایا دن 11 بجے اسکا بیٹا اچانک غائب ہوگیا اور وہ کئی گھٹنے تک اسے تلاش کرتے رہے۔ پولیس نے فوری طور پر چھاپہ مار کر اوباش ملزم راشد علی کو گرفتار کرلیا جس نے اپناجرم تسلیم کرلیا ہے۔ علاوہ ازیں ساہیوال میں کمسن بچے، فیصل آباد، اوکاڑہ میں 3 خواتین سے زیادتی کی گئی۔ ساہیوال میں جناح ٹائون چک نمبر 3/10 ایل میں طیب وغیرہ 8 ملزمان ظہراں بی بی کے کمسن بیٹے حسن کو ورغلا پھسلا کر اپنے ساتھ لے گئے اور زیادتی کرکے فرار ہو گئے۔ فیصل آباد میں تاندلیانوالہ کے علاقے قصبہ تاندلیانوالہ کی مونداں بی بی سے مرتضیٰ اور اس کے تین ساتھیوں نے زیادتی کی ۔ اوکاڑہ میں نواحی قصبہ بونگہ کھڑک سنگھ کے حسن نواز کی بیوی کرن بی بی کو نواز الحق نے گن پوائنٹ پر اسے زیادتی کا نشانہ بنا دیا۔ نواحی قصبہ 15 ون آر کے عاشق حسین کی بیٹی ننھی بیگم سے رفیق پندرہ روز تک زیادتی کرتا رہا۔