لاہور (خصوصی نامہ نگار)تنظیم اسلامی کے امیر حافظ عاکف سعید نے آرمی چیف کے اس بیان کی تائید کی کہ کشمیر تقسیم ہندوستان کا نا مکمل ایجنڈا ہے، پاکستان کی شہ رگ کشمیر پر اس کے ازلی دشمن بھارت نے پنجے گاڑھے ہوئے ہیں۔ 68 سال سے بھارت کشمیریوں پر ظلم وستم کے پہاڑ توڑ رہا ہے۔ بھارت نے کشمیریوں کو آزادی رائے دہی کے حق سے محروم کیا ہوا ہے۔ لیکن عالمی ضمیر لمبی تان کر سویا ہوا ہے۔ ہمارے اپنے ملک کی این جی اوز جو چھوٹے چھوٹے مسائل پر آسمان سر پر اٹھا لیتی ہیں وہ کشمیریوں سے انسانیت سوز سلوک ہونے پر خاموش ہیں۔