لاہور (آئی این پی) تحریک انصاف کے ترجمان نعیم الحق نے کہا ہے مسلم لیگ (ن) کے اقتدار کی کشتی میں اتنے سوراخ ہوچکے ہیں کہ اسکا ڈوبنا طے ہے‘ عوام بہت جلد ہونے والے عام انتخابات میں حکومت کا سخت محاسبہ کریں گے‘ ہم طاقت کے بل بوتے پر اقتدار چاہتے تو نوازشریف کب کے جدہ بھاگ چکے ہوتے، کسی بیرونی یا ان دیکھی نہیں ووٹ کی طاقت پر یقین رکھتے ہیں جبکہ مسلم لیگ (ن) ووٹ نہیں دھاندلی کے ذریعے اقتدار حاصل کرنے پر یقین رکھتی ہے۔ ایک انٹرویو میں انہوں نے کہا کہ پرویز رشید2018 ء کے خواب دیکھنا چھوڑ دیں کیونکہ تب تک انکی حکومت کا چلنا محال ہے۔