فیروزوالا+ قائدآباد (نامہ نگاران) فیروزوالہ، قائدآباد میں لڑکی اور نوجوان نے زندگی ختم کرلی۔ جی ٹی روڈ کی بادی مبارک آباد (مریدکے) میں مبینہ آشنا کے ساتھ تعلقات کا راز فاش ہونے پر 18 سالہ لڑکی نے خودکشی کرلی جبکہ پولیس نے اسکے آشنا کیخلاف مقدمہ درج کرلیا۔ ملزم کو پولیس کے حوالے کردیا گیا۔ مبارک آباد کے رہائشی صادق کی بیٹی (ا) نے آبادی کے نوجوان افضال کے ساتھ تعلقات قائم کررکھے تھے جو اسے ملنے کیلئے آیا۔ لڑکی کے والوں نے انہیں دیکھ کر افضال کو پکڑ کر تشدد کا نشانہ بنایا اس دوران 18 سالہ (ا) نے بجلی کے پنکھے والے کنڈے سے گلے میں کپڑا ڈال کر لٹک کر پھندا لے کر خودکشی کرلی۔ مریدکے پولیس نے اس واقعہ کا سبب بننے والے نوجوان افضال کے خلاف مقدمہ درج کرلیا ہے۔ علاوہ ازیںقائدآباد میں شاہ والہ کے فتح محمدوگ کے بیٹے عرفان نے گھریلو تنازعہ پر خود کو گولی مار کر خودکشی کرلی۔