”بھارت کیخلاف میچ میں ٹاس جیت کر بیٹنگ کا فیصلہ ہوا تھا“

برمنگھم(سپورٹس ڈیسک )بھارت نے گزشتہ روز چیمپئنز ٹرافی میں پاکستان کو 124رنز سے شکست دے دی۔ جس کے بعد قومی ٹیم کی پرفارمنس پر کڑی تنقید دیکھنے میں آ ئی تھی تاہم اب شکست کے بعد ہونے والی میٹنگ میں ہونے والی بات چیت بھی منظر عام پر آ گئی۔ ذرائع کے حوالے سے دعویٰ کیاہے کہ بھارت کیخلاف میچ سے قبل یہ طے کیا گیا تھا کہ ٹاس جیتنے پر پہلے بیٹنگ کی جائے گی لیکن ٹاس جیتنے کر فیلڈنگ کے فیصلے پر پوری ٹیم حیران تھی۔میچ کے بعد ہونے والی میٹنگ میں مکی آرتھر کا کہناتھا کہ بھارت سے ہار گئے کچھ نہیں ہوتا ،کسی پر الزام نہ لگایا جائے اور نہ ہی کسی پر انگلی اٹھائی جائے ،کو ئی بھی کھلاڑی سرفراز جیسے تجربہ کار کھلاڑی کو مشورہ نہ دے ،انہیں مشورہ میں خود دوں گا۔نجی ٹی وی کا کہناتھا کہ وہاب ریاض کو کھلانے پر کوچ نے کسی کو بھی اعتماد میں نہیں لیا تھا۔واضح رہے کہ بھارت کیخلاف میچ میں وہاب ریاض سب سے مہنگے ترین باولر ثابت ہوئے۔