نیویارک (نیٹ نیوز) تین ہفتے نظروں سے اوجھل رہنے کے بعد میلانیا منظرعام پرتین ہفتے عوام کی نظروں سے اوجھل رہنے والی امریکی خاتون اول منظر عام پر آگئیں، میلا نیا نے وائٹ ہاؤ س میں ایک تقریب میں شرکت کی۔ امریکی صدر ڈونلڈ ٹرمپ کی اہلیہ میلانیا ٹرمپ نے گزشتہ روز وائٹ ہاؤس میں گولڈ سٹار فیملیز کی تقریب میں شرکت کی۔ تقریب میں شریک ایک مہمان نے ان کی ویڈیو سوشل میڈیا پر پوسٹ کی ہے جس میں انہیں تقریب میں امریکی صدر کے ساتھ آتے ہوئے دیکھا جاسکتا ہے۔ واضح رہے کہ گزشتہ ماہ میلا نیا ٹرمپ کے گردے کی سرجری ہوئی تھی۔جس کے بعد سے وہ علالت کے باعث ڈاکٹروں کی ہدایت پر مکمل آرام کر رہی تھیں۔