بھارت: ایئرفورس کا طیارہ گر کر تباہ‘ پائلٹ ہلاک

نئی دہلی، گجرات( آن لائن‘ اے ایف پی )بھارتی ریاست گجرات میں بھارتی ائیر فورس کا جنگی طیارہ گر کر تباہ ہو گیا جس سے ایک پائلٹ ہلاک ہوگیا۔ جنگی طیارہ گجرات کے شہر کچ کے ضلع مندرا میں گر کر تباہ ہوا۔ جنگی طیارہ جمنانگر ائیر بیس سے پرواز بھرنے کے بعد بیراجا گاں کے کھیتوں میں جا گرا، طیارہ حادثے کے نتیجے میں کھیتوں میں گھاس چرتی 5 گائیں ہلاک ہوگئیں۔اس طیارہ حادثے سے متعلق تاحال بھارتی حکام کی جانب سے کوئی بیان جاری نہیں کیا گیا۔