واشنگٹن (آئی ا ین پی ) امریکا کے شہر فلاڈیلفیا میں مسلح افراد نے فائرنگ کرکے 3 افراد کو ہلاک جب کہ 11 کو زخمی کردیا۔ امریکی میڈیا کے مطابق فلاڈیلفیا کی ساتھ اسٹریٹ میں موجود ہجوم پر مسلح افراد نے فائرنگ کردی جس کے نتیجے میں 3 افراد موقع پر ہی ہلاک جب کہ 11 زخمی ہوگئے۔ موقع پر موجود پولیس افسر انسپیکٹر ڈی ایف پیس نے میڈیا کو بتایا کہ ہفتے اور اتوار کی درمیانی رات پولیس کو گشت کے دوران ساتھ اسٹریٹ سے فائرنگ کی آواز سنائی دی۔ پولیس اہلکار موقع پر پہنچے تو انہوں نے دیکھا کہ مسلح افراد ہجوم پر فائرنگ کررہے تھے۔ ہلاک ہونے والوں میں 2 مرد اور ایک خاتون شامل ہے۔