ملتان (جنرل  رپورٹر ) آصف خان کھیتران نے ریڈیو پاکستان میں  35 سالہ کیرئیر میں جذبے ،لگن اور ایمانداری کیساتھ اپنی مثالی خدمات سر انجام دیں، انہوں نے اس خطے کی ثقافت میں مثالی کردار ادا کیا، ان کی خدمات کو سنہری حروف میں لکھا جائے گا۔ ان خیالات کا اظہار اسٹیشن ڈائریکٹر ریڈیو ملتان سنٹر و کنٹرولر پروگرام آصف خان کھیتران کی 35 برس بہترین خدمات کی انجام دہی کے بعد موقع پر بزم احباب کے وفد میں شامل اراکین وعہدیداران ادباء ، دانشور صحافیوں نے ان کے آفس میں ملاقات کے موقع پر کیا ۔ اس موقع پر سجاد جہانیہ ڈائریکٹر تعلقات عامہ ملتان و کالم نگار نے کہا کہ آصف خان کھیتران کی موسیقی، زراعت، ادب، ثقافت اور ڈرامہ جیسے اہم شعبے کیلئے انکی خدمات کو ہمیشہ یاد رکھا جائے گا۔ کیپٹن (ر) ناصر مہے چیئرمین بزم احباب و نامور سیاسی و سماجی رہنما نے کہا کہ آصف خان محبتوں کا استعارہ ہیں یہ لوگوں سے اور لوگ ان سے بے لوث محبت کرتے ہیں۔