جعفرآباد میں جیالوں کی پاکستان کھپے ریلی 

جعفرآباد(نامہ نگار)سابق وفاقی وزیر وبلو چستان کے صوبائی  صدر میر چنگیزجمالی کی قیادت میں پاکستان کھپے ریلی نکالی گئی ۔ریلی میں پی پی جعفرآباد کے ضلعی صدر سید عبداللہ شاہ بخاری کی سربراہی میں جیالوں نے کثیرتعداد میں شرکت کی۔ ریلی ڈیرہ اللہ یار کی  مختلف سڑکوں پر مارچ کرتی ہوئی  پریس کلب پہنچی جہاں مظاہرہ کیاگیا ۔اس موقع پر خطاب کرتے ہوئے  میرچنگیز جمالی اور دیگر رہنماؤں نے  کہاکہ  ریلی کے شرکاء نے ثابت کیاہے کہ پیپلزپارٹی ملک دشمنوں کے خلاف سیسہ پلائی دیوار بن کر کھڑی ہوئی ہے اور عوام نے دیکھ لیاکہ سلیکٹڈ حکومت اپنے انجام تک پہنچ گئی ہے حالیہ مہنگائی  پی ٹی آئی کی ناقص پالیسیوں کانتیجہ ہے جسکا خمیازہ عوام مہنگائی  کی صورت میں بھگت رہی ہے۔