مارگلہ پہاڑیوں پر پھرگ‘ فوجی ہیی کاپٹر بھی آپریشن کا حصہ

اسلام آباد (اے پی پی + خبر نگار خصوصی) اسلام آباد کی مارگلہ پہاڑیوں پر ایک بار پھر آگ بھڑک اٹھی۔ سی ڈی اے کاعملہ آگ بجھانے میں مصروف  ہے۔ حکام کے مطابق آگ ٹریل تھری کے اطراف لگی ہوئی ہے۔ سی ڈی اے کے 50 کے قریب اہلکار آگ بجھانے میں مصروف ہیں۔ پاک فوج کے شعبہ تعلقات عامہ (آئی ایس پی آر) کا کہنا ہے کہ پاک فوج مارگلہ ہلز اسلام آباد میں لگی ہوئی آگ بجھانے میں سول انتظامیہ کی مدد کر رہی ہے۔ پاکستان آرمی ایوی ایشن کے دو ہیلی کاپٹر متاثرہ علاقے میں روانہ کئے گئے جبکہ ہیلی کاپٹر آگ بجھانے کے لیے پانی لے جانے والی ’’بامبی‘‘ بالٹیوں کے استعمال کے ذریعے آگ بجھانے کا عمل اب بھی جاری ہے۔ جبکہ وزیراعظم شہباز شریف کی ہدایت پر این ڈی ایم اے کی جانب سے مارگلہ ہل پر لگنے والی آگ بجھانے کے لئے ہیلی کاپٹر کی فراہمی کے بعد امدادی کارروائیاں جاری ہیں۔