شیخوپورہ:گردونواح میں ناقص گوشت کی مہنگے داموں فروخت جاری 

 شیخوپورہ(عظیم علی شیخ، سید علی معظم رضوی ، امجد علی سلطانی سے)شہرو گردونواح میں پانی ملے مضر صحت گوشت کی مہنگے داموں فروخت جاری،شہریوں کے مطابق شہر کے قصاب مبینہ طور پربلا خوف و خطرہ بیمار اور لاغر جانوروں کا پانی بھرا گوشت فروخت کر کے کھلم کھلا انسانی زندگیوں سے کھیلنے کا دھندہ کر رہے ہیں مگر کوئی پوچھنے والا نہیں اور بعض قصاب اپنے جانوروں کو ذبح کرنے کےلئے صاف ستھری جگہ لے جانا بھی گوارہ نہیں کرتے، شہریوں نے بتایا کہ شہر کے ہر قصاب کا الگ ریٹ ہے اگر کوئی صارف مضر صحت گوشت مہنگے داموں فروخت کرنے پر احتجاج کرتا ہے تو قصاب اسے بے عزت کرنے سے بھی گریز نہیں کرتے۔