لاہور (نیوز رپورٹر) پاکستان رائٹرز گلڈ کی مجلس عاملہ کا اجلاس سینئر شاعر اور صحافی‘ نوائے وقت کے انچارج ایڈیٹوریل سعید آسی کی زیر صدارت اجلاس میں رائٹرز گلڈ پنجاب کے سیکرٹری نوائے وقت کے کالم نگار اور سینئر شاعر اور صحافی روزنامہ فرنٹ کے ایڈیٹر بیدار سرمدی، سینئر ادیب بیورو کریٹ دانشور وحید رضا بھٹی‘ پاکستان رائٹرز گلڈ ٹرسٹ کی چیئرپرسن اور ماہنامہ نقوش کی مدیرہ فرح جاوید سینئر پروفیسر محقق اخلاق حیدر آبادی‘ ر دانشور پروفیسر امجد علی شاکر رائٹرز گلڈ کی خزانچی اور ماہنامہ تحریریں کی مدیرہ زاہدہ صدیقی نے شرکت کی۔ اجلاس میں گلڈ کے انتظامی معاملات اور دیگر امور کا جائزہ لیا گیا۔ اس سلسلہ میں سعید آسی کی تجویز پر نگران وزیراعلیٰ پنجاب سید محسن نقوی سے ملاقات کر کے ان سے گلڈ کےلئے خصوصی گرانٹ جاری کرنے کی درخواست کرنے کا فیصلہ کیا گیا۔ اجلاس میں نئی ممبر سازی کے لئے آنے والی تجاویز کا جائزہ لے کر حتمی فیصلے کئے گئے۔