لاہور(سپورٹس رپورٹر)پہلا پی ایف ایف نیشنل فٹسال کپ کا ایس اے گارڈنز چیمپئن بن گیا۔فائنل میں میزبان ٹیم کو حمزہ نے برتری دلائی۔ دوسرے ہاف میں ایل اے کلب کے یوسف نے سکور برابر کردیا۔ فاضل وقت میں آصف کا گول فیصلہ کن ثابت ہوا۔ ویمنز فائنل میں ایم آر ایف کی جانب سے انمول ہیرا اور غزالہ نے اپنی ٹیم کو برتری دلائی۔ دوسرے ہاف میں بھی دونوں پلیئرز نے ایک ایک گول کیا۔ ٹی ڈبلیو کے کی طرف سے دعا اور سماویہ نے بال کو جال کی راہ دکھائی۔ انمول ہیرا نے اپنی ہیٹ ٹرک مکمل کی۔