لاہور (سپورٹس رپورٹر)پاک فوج کے زیر اہتمام کوٹلی میں اے جے اینڈ کے فٹ بال چیمپئن لیگ شروع ہوگئی - ٹورنامنٹ میں آزاد کشمیرکے مختلف اضلاع سے 16 ٹیمیں چیمپئن شپ میں حصہ لے رہی ہیں۔فٹ بال چیمپئنز کی افتتاحی تقریب این کے سیف علی جنجوعہ شہید سپورٹس کمپلیکس کوٹلی میں منعقد ہوئی۔ تقریب میں مقامی نوجوانوں اورسینئر شہریوں  نے شرکت کی۔افتتاحی میچ ہجیرہ الیون ایف سی اور گلہار فٹ بال کلب کوٹلی کے درمیان کھیلا گیا۔  جوہجیرہ الیون ایف سی نے میچ 2-0 گول سے جیت لیا۔دوسرا میچ کشمیر نیشنل ایف سی میرپور اور آرائیں یوتھ ایف سی کوٹلی کے درمیان کھیلا گیا۔  یہ میچ 1-1 گول سے برابر رہا۔ تیسرا میچ ہجیرہ الیون ایف سی اور کشمیر نیشنل ایف سی میرپور کے درمیان کھیلا گیا۔ کشمیر نیشنل ایف سی میرپور نے یہ  میچ 2-0 گول سے جیت لیا۔چوتھا میچ گلہار یونائیٹڈ ایف سی کوٹلی اور آرائیں یوتھ ایف سی کوٹلی کے درمیان کھیلا گیا۔  جو گلہار ایف سی کوٹلی نے میچ 2-1 گول سے جیت لیا۔سپورٹس ایونٹ کو مقامی نوجوانوں اور سول سوسائٹی نے بہت سراہا۔