منڈی بہاؤالدین، ڈمپر، مسافر وین میں ٹکر، ڈرائیور، ایک خاندان کے 4افراد جاں بحق

منڈی بہاؤالدین (نامہ نگار) گجرات سرگودھا ہائی وے پر پاہڑیانوالی کے قریب بد قسمت مسافر ویگن کو ڈمپر کی ٹکر، ڈرائیور اور ایک ہی خاندان کے بہن بھائی سمیت پانچ افراد موقع پر جاں بحق ہوگئے، مسافر وین گجرات سے فوتیگی سے واپس نواحی گائوں پھلے شاہ آ رہی تھی۔ ریسکیو نے 11 شدید زخمی افراد کو پھالیہ اور گجرات منتقل کر دیا گیا ہے۔فوتیگی والے گھر میں پھر صف ماتم بچھ گئی۔ وزیراعلی پنجاب کی ہدایت پر ڈپٹی کمشنر شاہد  عمران مارتھ،ڈسڑکٹ پولیس آفیسررضاصفدرکاظمی کی نمازجنازہ میں شرکت،لواحقین سے اظہارتعزیت کیا۔گجرات سرگودھا ہائی وے پر پاہڑیانوالی کے قریب تیز رفتار ڈمپر نے موڑ کاٹتے ہوئے، گجرات سے آنے والی مسافر ویگن کو ٹکر مار دی، جس کے نتیجہ میں ایک ہی خاندان کے 4 افراد سمیت پانچ افراد موقع پر زندگی کی بازی ہار گئے ۔جاں بحق افراد میں، ڈرائیور ثاقب، سید چن پیر اس کی بہن رشیدہ بی بی، چچازاد بہن بتول بی بی اور بھانجھے کی بیوی زاہدہ بی بی شامل ہیں۔ ریسکیو نے حادثے میں شدید زخمی 11 افراد کو گجرات عزیز بھٹی شہید ہسپتال اور ٹی ایچ کیو ہسپتال پھالیہ منتقل کر دیا ہے، جن میں سے 4 افراد کی حالت تشویشناک بتائی جاتی ہے۔ بدقسمت خاندان گجرات فوتیگی سے واپس آبائی گاؤں پھلے شاہ واپس آ رہا تھا۔ حادثہ میں جاں بحق افرادکومقامی قبرستان میں سینکڑوں سوگواروں کی موجودگی میں سپردخاک کردیاگیا۔/