بابر اعظم کی قیادت میں پاکستان ٹیم مستحکم نظر آرہی ہے :ـ رکی پونٹنگ 

لاہور(سپورٹس رپورٹر)آسٹریلیا کے عظیم کھلاڑی رکی پونٹنگ کا خیال ہے کہ پاکستان کی ٹیم بابر اعظم کی قیادت میں بہت زیادہ مستحکم نظر آرہی ہے، انہوں نے ایک نوجوان بیٹر کیلئے پیش گوئی کی کہ وہ آئی سی سی مینز ٹی 20 ورلڈ کپ میں کچھ خاص کرسکتا ہے۔بابر اعظم کو رواں سال کے آغاز میں پاکستان کے وائٹ بال کے کپتان کے طور پر مختصر مدت کیلئے ہٹانے کے بعد واپس بحال کیا گیا تھا۔کپتانی صرف کچھ لوگوں کو سوٹ کرتی ہے، ہر کسی کا کام کپتانی کرنا نہیں ہوتا۔ ہم نے طویل عرصے میں یہ مشاہدہ کیا ہے کہ کچھ بہترین کھلاڑی جنہوں نے کرکٹ کھیلی ہے، ضروری نہیں کہ وہ بہترین کپتان بھی بن سکیں۔ اگرچہ ٹی ٹونٹی ورلڈ کپ میں پاکستان کی قسمت بدلنے کی ذمہ داری زیادہ تر بابراعظم اور محمد رضوان پر رہے گی۔، ایسے میں پونٹنگ کا خیال ہے کہ بیٹنگ آرڈر میں سب سے اوپر ایک نوجوان بلے باز ہے جو کچھ خاص کرسکتا ہے۔ سابق آسٹریلوی کپتان نے صائم ایوب کی طرف اشارہ کیا۔انہو ں نے کہا کہ صائم ایوب نے آئرلینڈ کیخلاف پاکستان کی حالیہ T20I سیریز کے دوران رضوان کیساتھ بیٹنگ کا آغاز کیا اور پونٹنگ کے خیال میں بائیں ہاتھ کے بلے باز ٹی ٹونٹی ورلڈ کپ میں کچھ خاص کرسکتے ہیں۔ وہ ایک مناسب کھلاڑی ہے۔ مجھے لگتا ہے کہ وہ مستقبل کا بڑا اسٹار ثابت ہوگا۔