سعودی عرب کیخلاف میچ بڑا گیم ہوگا‘بہتر کھیل کیلئے پر امید ہیں : سٹیفن کانسنٹائن

لاہور(سپورٹس رپورٹر)پاکستان فٹبال ٹیم کے ہیڈ کوچ سٹیفن کانسنٹائن نے کہا ہے کہ سعودی عرب کیخلاف بہتر کھیل کیلئے پْرامید ہیں۔سعودی عرب کے خلاف فیفا کوالیفائر میچ سے قبل پریس کانفرنس کرتے ہوئے سٹیفن کانسنٹائن کا کہنا تھا کہ پاکستان کا ایک مضبوط اور بڑی ٹیم سے سامنا ہے، سعودی عرب کیخلاف میچ ایک بڑا گیم ہوگا۔ کھلاڑیوں نے اپنا فوکس صرف کھیل پر رکھا ہوا ہے، فیفا کوالیفائرز میں بہتر رزلٹس دینے کی کوشش کی۔ فٹبال فیڈریشن کو مستقبل کی پلاننگ پر بھی کام کرنا ہوگا، بطور ہیڈ کوچ پاکستان کے بہتر رزلٹ کیلئے کام کیا، میچ کا اچھا رزلٹ صرف جیت ہوتی ہے۔پاکستانی پلیئرز باصلاحیت ہیں، انھیں زیادہ انٹرنیشنل میچز ملنے چاہیئں، انٹرنیشنل میچز کیلئے فنڈز بھی ایک مسئلہ ہے۔پاکستانی فٹبال پلیئر عبداللہ اقبال کا کہنا تھا کہ سعودی ٹیم کو ٹف ٹائم دیں گے، قومی ٹیم نے متعدد ٹریننگ سیشن میں صلاحیتوں کو نکھارا ہے۔