لاہور(سپورٹس رپورٹر) پاکستان بلائنڈ کرکٹ کونسل کے چیئرمین سید سلطان شاہ نے کہا ہے کہ پاکستان بلائنڈ کرکٹ سپر لیگ میں شاندار کارکردگی کامظاہرہ کرنے والے 22 کھلاڑیوں کو رواں سال پاکستان میں ہونے والے ورلڈ ٹی کپ کیلئے شارٹ لسٹ کر دیا جائیگا۔ پاکستان بلائنڈ کرکٹ سپر لیگ 7 سے 13جون تک کھیلی جائیگی جس میں ملک بھر سے 4 ٹیمیں شرکت کرینگی جس میں سندھ، بلوچستان، پنجاب اور خیبرپختونخوا کی ٹیمیں شامل ہیں۔ایونٹ ڈبلز لیگ کی بنیاد پر کھیلا جائیگا جبکہ ایونٹ میں دو ٹاپ ٹیموں کے درمیان فائنل 13جون کو کھیلا جائیگا۔ ورلڈ ٹی 20 کپ 22نومبر سے 3دسمبر تک پاکستان میں کھیلا جائیگا۔