سانگلہ ہل (نمائندہ نوائے وقت)سابق وفاقی وزیر امور کشمیر،گلگت  بلتستان چوہدری محمدبرجیس طاہرنے کہاہے کہ میاں نوازشریف کی قیادت میں پارٹی متحد ہے، میرا قائد میاں نوازشریف ہے،بلامقابلہ صدر منتخب ہونے پرکارکنان نے جس جوش وخروش اورمحبتوں کااظہار کر کے میاں نواز شریف کو مبارکباد پیش کی، اپنے تمام ورکروں اور شہریوں کو میاں نواز شریف کے بلا مقابلہ صدر منتخب ہونے پر مبارکباد پیش کرتا ہوں، برجیس طاہر کا مزید کہنا تھا کہ حلقہ میں ترقی کا ووٹ نہ ہونے کے باوجود حلقہ بھرمیں عوامی خدمت کے منصوبے سوئی گیس، سکول کالج، ہسپتال اوررابطہ سڑکوں کے تمام منصوبے اپنی مدت تکمیل پر پورے کرینگے۔